माजलगाव कृषी उत्पन्न बाजार समितीच्या सभापती पदी जयदत्त नरवडे तर उपसभापती पदी श्रीहरी मोरे यांची बिनविरोध निवड...
माजलगाव कृषी उत्पन्न बाजार समितीच्या सभापती – उपसभापती निवडीचा कार्यक्रम आज पार पडला. कृषी उत्पन्न बाजार समिती कार्यालयात सभापती उपसभापती यांची निवडीचा कार्यक्रम घेण्यात आला. यात सभापतीपदी जयदत्त नरवडे तर उपसभापतीपदी श्रीहरी मोरे यांची निवड सर्वानुमते बिनविरोध करण्यात आली. माजलगाव बाजार समितीच्या निवडणूकीत आ.प्रकाश सोळंके व भाजपचे मोहन जगताप यांच्यात अत्यंत अटीतटीची झाली होती. परंतु आ.प्रकाश सोळंके यांनी आपली राजकीय खेळी करत राष्ट्रवादीची सत्ता कायम राखली व १८ पैकी १२ जागांवर विजय मिळवला. तर भाजपाच्या मोहन जगताप यांच्या पॅनेलचे ३ व माजी आ.राधाकृष्ण होके पाटील यांच्या गटाचे २ तर अपक्ष १ असे एकूण सहा उमेदवार विजयी झाले होते. आज सभापती व उपसभापती पदासाठी निवडणूक प्रक्रिया पार पडली. आ. प्रकाश सोळंके यांच्या कडून सभापतीपदा करिता जयदत्त नरवडे तर उपसभापतीपदासाठी श्रीहरी मोरे या दोघांचे अर्ज तर मोहन जगताप यांच्या गटाकडून सभापतीपदा करिता नितीन नाईकनवरे तर उपसभापतीपदा साठी मनोज जगताप या दोघांचे अर्ज दाखल करण्यात आले होते. परंतू नितीन नाईकनवरे व मनोज जगताप यांनी आपले अर्ज वापस घेत सभापती व उपसभापती पदाच्या निवडीतून माघार घेतली.
समोरील सभापती पदाच्या व उपसभापती पदाच्या निवडीतून माघार घेतल्या मुळे सभापतीपदासाठी जयदत्त नरवडे तर उपसभापतीपदी श्रीहरी मोरे यांची बिनविरोध निवड जाहीर करण्यात आली. या निवड होताच कार्यकर्त्यांनी फटाके फोडून जल्लोष केला.
ही वेबसाईट कुठली शासकीय नाही. ही वेबसाईट स्वतंत्र मालकीची आहे.